"Հայաստան`Քրիստոնէութեան Մոռցուած Օրրան". Ամերիկացի Լրագրողի Մը Հայաստանեան Տպաւորութիւնները.
Ամերիկացի լրագրող Ռութ Հիլլ Washington Times-ի էջերուն մէջ գրի առած է Հայաստան կատարած
այցին վերաբերեալ իր տպաւորութիւնները:
«2013-ին քրիստոնեայ աշխարհը պիտի նշէ
հաւատքի ընդունման 1700-ամեակը, եւ այս առիթով Հայաստան արժանի է հաւատացեալներու ուշադրութեան
ու այցելութեան:
Թէեւ Թուրքիոյ,Արեւելեան Եւրոպայի եւ Արեւմտեան Ասիոյ միջեւ ինկած
Հայաստանը 301-ին աշխարհի մէջ առաջինը ընդունած է քրիստոնէութիւնը իբրեւ պետական կրօն,
սակայն ժամանակակից աշխարհի մէջ այս երկիրը աւելի շատ «յայտնի» է 1915-ին տեղի ունեցած
ցեղասպանութեան փաստով, քան իբրեւ քրիստոնէութիւնը առաջինը ընդունած պետութիւն: Հայաստանի
բնակչութեան 94%-ը քրիստոնեաներ են: Հայաստանի առաքելական եկեղեցին հիմնուած է Յիսուս
Քրիստոսի 12 առաքեալներէն երկուքի` Թադէոսի եւ Բարդուղիմէոսի կողմէ եւ կը շարունակէ անկախ
մնալ թէ' կաթողիկէ ,եւ թէ' ուղղափառ եկեղեցիներէն:
Թէեւ, ԽՍՀՄ-ի օրօք փորձուած
էր քրիստոնէութիւնը արգիլել Հայաստանի մէջ՝ բազում եկեղեցիներ ու սրբավայրեր կործանելով,
այնուամենայնիւ, խորհրդային իշխանութիւնները չյաջողեցան: Խորհրդային կարգերու փլուզումէն
ետք, հայերը անմիջապէս յանձն առին վնասուած եկեղեցիներու վերականգնման գործը:
Հայ
ժողովուրդը իր հաւատքէն չշեղեցաւ նոյնիսկ այն պարագային, երբ 19-րդ դարուն ռուսական ցարը
կը փորձէր ստիպել անոնց միանալու ռուսական ուղղափառ եկեղեցիին»,( կը գրէ լրագրողը):
Ռութ
Հիլլ Հայաստանի մէջ օտարերկրեայ զբօսաշրջիկներուն համար առաջնային հետաքրքրութիւններու
ցանկին մէջ կ'առանձնացնէ 4-րդ դարուն քարանձաւի մէջ կառուցուած Գեղարդի Վանքը, ուր հիանալի
տեսարան կը բացուի դէպի Արարատ Լեռը` Նոյեան Տապանի վերջին հանգրուանը: Գեղարդի մէջ պահուող
սուրբ մասունքներէն ամենագլխաւորը խաչուած Քրիստոսը վիրաւորած նետն է: